മരിക്കുന്നതിനു മുന്നേ ഓരോ മലയാളിയും തീർച്ചയായും കണ്ടിരിക്കേണ്ട ഒരുപിടി ചിത്രങ്ങളിൽ മമ്മൂട്ടിയുടെ കൌരവരുമുണ്ട്. കൌരവർ മമ്മൂട്ടിയുടെത് മാത്രമല്ല, ലോഹിതദാസിന്റേയും ജോഷിയുടേതുമാണ്, മകളെ ജീവനോളം സ്നേഹിക്കുന്ന ഓരോ അച്ഛന്മാരുടെതുമാണ്, സുഹൃത്തുക്കൾക്കായി ചങ്ക് പറിച്ച് കൊടുക്കുന്ന മിത്രങ്ങളുടേതാണ്.
കൌരവര്‍ വലിയ വിജയമായ ഒരു സിനിമയായിരുന്നു. അത് ഒരേസമയം ജോഷി ചിത്രവുമാണ്, ലോഹി ചിത്രവുമാണ്. മമ്മൂട്ടിക്കൊപ്പം തിലകന്‍, കന്നഡ സൂപ്പര്‍താരം വിഷ്ണുവര്‍ധന്‍, ബാബു ആന്റണി, ഭീമന്‍ രഘു, മുരളി തുടങ്ങിയവര്‍ തകര്‍ത്തഭിനയിച്ചു. തെലുങ്കിലേക്കും കന്നഡയിലേക്കും ഈ ചിത്രം റീമേക്ക് ചെയ്യപ്പെട്ടു. എസ് പി വെങ്കിടേഷ് ഈണമിട്ട മികച്ച ഗാനങ്ങള്‍ കൌരവരുടെ പ്രത്യേകതയായിരുന്നു.
