മോഹന്‍ലാല്‍ നായകനായ ഒരു സിനിമ മൂന്ന് ഭാഷകളില്‍ ഒരേ ദിവസം ഇറങ്ങി. പൃഥ്വിരാജിന്‍റെ മണിരത്നം ചിത്രം രാവണിന് ശേഷം ആദ്യമായാണ് ഒരു മലയാള നടന്‍റെ കാര്യത്തില്‍ ഇങ്ങനെ ഒരു സംഭവം. മലയാളത്തില്‍ ‘വിസ്മയം’, തെലുങ്കില്‍ മനമന്ത, തമിഴില്‍ നമദു എന്നിങ്ങനെയായിരുന്നു പേരുകള്‍.
മോഹന്ലാലിന്റെ വമ്പന്‍ ജനപ്രീതിയും കുടുംബസിനിമയെന്ന പേരുസമ്പാദിച്ചതുമാണ് വിസ്മയത്തിന് തുണയായത്. ഡബ്ബ് ചെയ്ത് വരുന്ന സിനിമകള്‍ക്ക് ആദ്യ ദിനം കളക്ഷന്‍ നല്ല രീതിയില്‍ വരുമെങ്കിലും രണ്ടാം ദിനത്തില്‍ കളക്ഷന്‍ ഇടിയുന്നതാണ് പതിവായി കണ്ടുവരുന്ന ട്രെന്‍ഡ്. എന്നാല്‍ വിസ്മയത്തിന്‍റെ കാര്യത്തില്‍ അത് മാറുകയാണ്. രണ്ടാം ദിവസം മുതല്‍ കളക്ഷനില്‍ വമ്പന്‍ കുതിപ്പ്.
