പ്രിയദര്‍ശന്‍ ചിത്രം ‘ഒപ്പം’ അശ്വമേധം തുടരുകയാണ്. സമീപകാലത്തെ എല്ലാ സിനിമകളെയും ബഹുദൂരം പിന്നിലാക്കിയെന്നുമാത്രമല്ല, മലയാള സിനിമയുടെ സര്‍വ്വ റെക്കോര്‍ഡുകളും തകര്‍ത്തെറിയുകയാണ് ഈ മോഹന്‍ലാല്‍ സിനിമ. ഓരോ ദിവസവും കളക്ഷന്‍ കൂടിക്കൂടി വരുന്നു. തിയേറ്ററുകള്‍ ജനസമുദ്രങ്ങളാവുന്നു.
കേരളത്തില്‍ നിന്ന് മാത്രം ആദ്യത്തെ ഒമ്പത് ദിവസം കൊണ്ട് 16.15 കോടി രൂപയാണ് ചിത്രത്തിന് കളക്ഷന്‍. പ്രേമം 15 ദിവസം കൊണ്ട് 20 കോടി തികച്ചെങ്കില്‍ ഒപ്പം വെറും 12 ദിവസം കൊണ്ട് 20 കോടി എന്ന മാജിക് സംഖ്യ മറികടക്കും. വെറും 6.8 കോടി രൂപയാണ് പ്രിന്‍റും പബ്ലിസിറ്റിയുമടക്കം ഒപ്പത്തിന് ചെലവ് വന്നിട്ടുള്ളത്. ആശീര്‍വാദ് സിനിമാസാണ് ചിത്രത്തിന്‍റെ നിര്‍മ്മാണം.
