പനി തടയുന്ന കാര്യത്തില്‍ സർക്കാർ പൂർണമായും പരാജയപ്പെട്ടു. വാർഡ് തലംമുതൽക്കു തന്നെ ശുചീകരണ പ്രവർത്തനങ്ങൾ ഏകോപിപ്പിച്ചാൽ മാത്രമേ പനി തടയാന്‍ കഴിയൂ. പനി ബാധിച്ച് മരിച്ചവരുടെ കുടുംബാംഗങ്ങൾക്ക് നഷ്ടപരിഹാരം നൽകണമെന്ന കാര്യവും മുഖ്യമന്ത്രിയോട്പറഞ്ഞിട്ടുണ്ടെന്നും ചെന്നിത്തല മാധ്യമപ്രവര്‍ത്തകരോട് പറഞ്ഞു.
അതേസമയം, സംസ്ഥാനത്തെ ഞെട്ടിച്ച് പകർച്ചപ്പനി മരണങ്ങൾ കുതിച്ചുയരുകയാണ്. ഇന്നലെ മാത്രം സംസ്ഥാനത്ത് പത്ത് പേരാണ് മരണത്തിനു കീഴടങ്ങിയത്. സർക്കാർ സ്വകാര്യ ആശുപത്രികൾ മുഴുവൻ പനി ബാധിതരെക്കൊണ്ട് നിറഞ്ഞു കവിഞ്ഞു. ഇന്നലെ മാത്രം സംസ്ഥാനത്തു 18,873 പേർ പകർച്ചപ്പനിക്കു ചികിൽസ തേടിയെന്നാണ് ആരോഗ്യ വകുപ്പിന്റെ കണക്ക്.
