വിനോദ് കുമാറിന്റെ കൊലപാതകം; ഭാര്യയെ അറസ്റ്റു ചെയ്തു
ബുധന്‍, 14 ഒക്‌ടോബര്‍ 2015 (18:12 IST)
മലപ്പുറം വളാഞ്ചേരിയില്‍ പാചകവാതക ഏജന്‍സി ഉടമ വിനോദ് കുമാറിന്റെ കൊലപാതകവുമായി ബന്ധപ്പെട്ട് ഭാര്യ ജ്യോതിയെ അറസ്റ്റ് ചെയ്തു. വിനോദിനെ കൊന്ന കേസിലെ രണ്ടാം പ്രതിയാണ് ജ്യോതി.
കേസിലെ ഒന്നാംപ്രതി മുഹമ്മദ് യൂസഫിനെ നേരത്തെ അറസ്റ്റ് ചെയ്തിരുന്നു. മുഹമ്മദ് യൂസഫിന്റെ ആക്രമണത്തിനിടയില്‍ പരുക്കേറ്റ ജ്യോതി പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികിത്സയില്‍ കഴിഞ്ഞു വരികയായിരുന്നു.
കഴിഞ്ഞ വെള്ളിയാഴ്ചയായിരുന്നു വിനോദ് കുമാര്‍ കൊല്ലപ്പെട്ടത്. മോഷണസംഘം പുലര്‍ച്ചെ ആക്രമിച്ചുവെന്നായിരുന്നു വിനോദ് കുമാറിന്റെ ഭാര്യ ജ്യോതി മൊഴി നല്കിയത്. കൊലപാതകത്തിന് ശേഷം മോഷണസംഘം കാറുമായി കടന്നുകളഞ്ഞുവെന്നും ജ്യോതി മൊഴി നല്കിയിരുന്നു.
