വട്ടിയൂര്‍ക്കാവില്‍ തനിക്ക് സീറ്റില്ലെങ്കില്‍ മറ്റൊരിടത്തും മത്സരിക്കില്ലെന്ന് കെ മുരളീധരന്‍ എം എല്‍ എ
വട്ടിയൂര്‍ക്കാവില്‍ തനിക്ക് സീറ്റില്ലെങ്കില്‍ മത്സരിക്കാനില്ലെന്ന് സിറ്റിംഗ് എം എല്‍ എ കെ മുരളീധരന്‍. മൈനസ് പോയിന്റുകള്‍ ശ്രദ്ധിക്കണമെന്നും ഗ്രൂപ്പ് കളിക്കേണ്ട സമയമല്ല ഇതെന്നും അദ്ദേഹം പറഞ്ഞു.
പാര്‍ട്ടി ആവശ്യപ്പെട്ടാല്‍ മണ്ഡലം മാറികൊടുക്കാന്‍ താന്‍ തയ്യരാണ്. എന്നാല്‍ മറ്റൊരു മണ്ഡലത്തിലും മത്സരിക്കാന്‍ തയ്യാറല്ലെന്നും അദ്ദേഹം പറഞ്ഞു. കെ മുരളീധരനു വട്ടിയൂര്‍ക്കാവിലുള്ള സ്വാധീനം വളരെ ശക്തമാണ്. മുരളിയെ മാറ്റി മറ്റൊരാളെ മത്സരിപ്പിച്ചാല്‍ കനത്ത പരാജയം പാര്‍ട്ടിക്ക് നേരിടേണ്ടി വരും.
സി പി എമ്മിന് വളരെ സ്വാധീനമുള്ള മണ്ഡലമാണ് വട്ടിയൂര്‍ക്കാവ്. എന്നാലും മുരളീധരന്‍ വ്യക്തിപരമായി ഉണ്ടാക്കിയെടുത്ത ബന്ധങ്ങളാണ് വട്ടിയൂര്‍ക്കാവില്‍ അദ്ദേഹത്തെ പ്രിയങ്കരനാക്കുന്നത്‍.
