മലപ്പുറം: സംസ്ഥാനത്തിന് അനുവദിച്ച രണ്ടാമത്തെ വന്ദേ ഭാരത് ട്രെയിനിന് മലപ്പുറം ജില്ലയിലെ തിരൂരിൽ സ്റ്റോപ്പ് അനുവദിച്ചതിലൂടെ റെയിൽവേയ്ക്ക് മികച്ച വരുമാനം ലഭിച്ചതായി റിപ്പോർട്ട്. കഴിഞ്ഞ 21 ദിവസം കൊണ്ട് ഇവിടെ നിന്ന് 1101 പേർ ട്രെയിൻ യാത്ര ചെയ്തതിലൂടെ ടിക്കറ്റ് ഇനത്തിൽ 8 ലക്ഷം രൂപയാണ് ലഭിച്ചത്. അതായത് 8,04452 രൂപ.
ഇപ്പോൾ തന്നെ ഇതാണ് സ്ഥിതി എന്നതിനാൽ ആദ്യം അനുവദിച്ച വന്ദേ ഭാരത് ട്രെയിനിനും ഇവിടെ സ്റ്റോപ്പ് അനുവദിക്കണമെന്ന ആവശ്യം ശക്തമായിട്ടുണ്ട്. സെപ്തംബർ 25 മുതൽ ഒക്ടോബർ 15 വരെയുള്ള കണക്കാണിത്. രണ്ടാമത് അനുവദിച്ച ഈ ട്രെയിനിൽ തിരുവനന്തപുരത്ത് നിന്ന് ഇക്കാലയളവിൽ 8400 പേരാണ് ട്രെയിനിൽ കയറിയതെങ്കിൽ തിരുവനന്തപുരത്തു നിന്ന് തിരൂരിൽ വന്നിറങ്ങിയതും ഇവിടെ നിന്ന് കയറിയതും 289 പേരാണ്.
