സ്വപ്‌ന സുരേഷിന്‍റെ നിയമനം തന്റെ അറിവോടെയല്ലെന്ന മുഖ്യമന്ത്രിയുടെ വിശദീകരണം എന്‍ഫോഴ്‌സ്‌മെന്‍റ് ഡയറക്‍ടറേറ്റ് സമര്‍പ്പിച്ച കുറ്റപത്രത്തിന്‍റെ വിവരം പുറത്തുവന്നതോടെ നുണയാണെന്ന് തെളിഞ്ഞിരിക്കുകയാണ്. കേരളത്തിലെ ജനങ്ങള്‍ വഞ്ചിക്കപ്പെട്ടിരിക്കുന്നു. പിണറായി വിജയന്‍ മുഖ്യമന്ത്രിസ്ഥാനം രാജിവയ്ക്കണം - രമേശ് ചെന്നിത്തല ആവശ്യപെട്ടു.
മുഖ്യമന്ത്രിയുടെ രാജി ആവശ്യപ്പെട്ട് രമേശ് ചെന്നിത്തല, എം എം ഹസന്‍, വി എസ് ശിവകുമാര്‍, ഷിബു ബേബി ജോണ്‍, ടി വി ഇബ്രാഹിം എന്നിവര്‍ സെക്രട്ടേറിയറ്റിലേക്ക് മാര്‍ച്ച് നടത്തി.
