61 ദിവസം ട്രോളിംഗ് നിരോധനമെന്ന കേന്ദ്ര നിര്ദ്ദേശം സംസ്ഥാനം തള്ളി. ജൂണ് 15 മുതല് 47 ദിവസക്കാലം മാത്രമേ സംസ്ഥാനത്ത് ട്രോളിംഗ് നിരോധനമുണ്ടാകൂവെന്ന് ഫിഷറീസ് മന്ത്രി കെ ബാബു പറഞ്ഞു. 61 ദിവസം ട്രോളിംഗ് നിരോധനമെന്ന നിര്ദ്ദേശത്തില് അയവുവരുത്തണമെന്നാവശ്യപ്പെട്ട് മുഖ്യമന്ത്രി ഉമ്മന് ചാണ്ടി കേന്ദ്രത്തെ സമീപിച്ചിരുന്നു. എന്നാല് ഇക്കാര്യത്തില് ഇളവ് അനുവദിക്കാനാവില്ലെന്നായിരുന്നു കേന്ദ്രത്തിന്റെ നിലപാട്.
