നേരത്തെ മുന്‍ എം എല്‍ എ, വി ശിവന്‍കുട്ടിയുടെ പേര് സ്പോര്‍ട്സ് കൌണ്‍സില്‍ അധ്യക്ഷസ്ഥാനത്തേക്ക് പരിഗണിച്ചിരുന്നു. എന്നാല്‍, മുന്‍ എല്‍ ഡി എഫ് സര്‍ക്കാരിന്റെ കാലത്ത് കൌണ്‍സില്‍ അധ്യക്ഷനായിരുന്നു ടി പി ദാസന്റെ തന്നെ പേര് പിന്നീട് വരികയായിരുന്നു.
അതേസമയം, സംസ്ഥാന സ്പോര്‍ട്സ് കൌണ്‍സില്‍ രാജി വെച്ചെങ്കിലും സ്ഥാനമൊഴിയേണ്ടെന്ന് യു ഡി എഫ് നിയമിച്ച ജില്ല സ്പോര്‍ട്സ് കൌണ്‍സിലുകള്‍ തീരുമാനിച്ചു. യു ഡി എഫ് സര്‍ക്കാരിന്റെ ഭരണകാലത്ത് കഴിഞ്ഞ മാര്‍ച്ചിലാണ് ജില്ല സ്പോര്‍ട്സ് കൌണ്‍സിലുകള്‍ പുനസംഘടിപ്പിക്കപ്പെട്ടത്.
