കുന്നംകുളത്ത് നിയന്ത്രണംവിട്ട ആംബുലന്‍സ് മറിഞ്ഞ് വന്‍ അപകടം. ദമ്പതികള്‍ അടക്കം മൂന്നുപേര്‍ മരിച്ചു. തൃശ്ശൂര്‍ കുന്നംകുളം ചൊവ്വന്നൂരിലാണ് അപകടം നടന്നത്. അര്‍ദ്ധരാത്രിയില്‍ ഒരു മണിയോടെയാണ് അപകടം നടന്നത്. ചൊവ്വന്നൂര്‍ എസ് ബി ഐ ബാങ്കിന് സമീപത്താണ് നിയന്ത്രണം വിട്ട ആംബുലന്‍സ് മരത്തിലിടിച്ച് മറിഞ്ഞത്. ഡ്രൈവര്‍ അടക്കം ആറുപേരായിരുന്നു വാഹനത്തില്‍ ഉണ്ടായിരുന്നത്.
ന്യുമോണിയ ബാധിച്ച ഫെമിന എന്ന യുവതിയുമായി കുന്നംകുളത്തെ സ്വകാര്യ ആശുപത്രിയിലേക്ക് പോവുകയായിരുന്ന ആംബുലന്‍സ് ആണ് അപകടത്തില്‍പ്പെട്ടത്. ഫെമിന, റഹ്മത്ത്, ആബിദ് എന്നിവരാണ് മരിച്ചത്.