മൂന്ന് വയസ്സുള്ള മകളെ നദിയിലേക്ക് വലിച്ചെറിഞ്ഞ സംഭവത്തില്‍ യുവതിയെ അറസ്റ്റ് ചെയ്തു. പെണ്‍കുട്ടിയുടെ അമ്മ സന്ധ്യ (35) പോലീസിന് നല്‍കിയ മൊഴിയില്‍ കുറ്റം സമ്മതിച്ചു. കോലഞ്ചേരി വരിക്കോലി മട്ടക്കുഴി കീഴ്പ്പിള്ളി വീട്ടില്‍ സുഭാഷിന്റെ മകള്‍ കല്യാണിയാണ് മരിച്ചത്. സന്ധ്യയ്ക്ക് മാനസികാസ്വാസ്ഥ്യം ഉണ്ടായിരുന്നതായി ബന്ധുക്കള്‍ പറഞ്ഞു. അവര്‍ ഇപ്പോള്‍ ചെങ്ങമനാട് പോലീസിന്റെ കസ്റ്റഡിയിലാണ്.
ചാലക്കുടി പുഴയില്‍ നിന്ന് മുങ്ങല്‍ വിദഗ്ധര്‍ നടത്തിയ തിരച്ചിലിലാണ് കല്യാണിയുടെ മൃതദേഹം കണ്ടെത്തിയത്. എട്ടര മണിക്കൂര്‍ നീണ്ട തിരച്ചിലിനു ശേഷമാണ് മൃതദേഹം നദിയില്‍ നിന്ന് കണ്ടെത്തിയത്. മൂഴിക്കുളം പാലത്തിന് സമീപം കുട്ടിയെ ഉപേക്ഷിച്ചു പോയതായി അമ്മയുടെ മൊഴിയെ തുടര്‍ന്ന് പുഴയിലും സമീപ പ്രദേശങ്ങളിലും തിരച്ചില്‍ നടത്തി. തിരച്ചിലിനായി സ്‌കൂബ ഡൈവിംഗ് സംഘവും എത്തി. ചില കുടുംബ പ്രശ്നങ്ങള്‍ ഉണ്ടായിരുന്നതായി സന്ധ്യയുടെ ബന്ധുക്കള്‍ വെളിപ്പെടുത്തി. സന്ധ്യയും ഭര്‍ത്താവും തമ്മില്‍ അകന്നു കഴിയുകയായിരുന്നു. കുടുംബ പ്രശ്നങ്ങള്‍ കാരണം കുട്ടിയെ അച്ഛന്റെ വീട്ടിലേക്ക് കൊണ്ടുവന്നിരുന്നു.
സന്ധ്യ ഇന്നലെ മട്ടാക്കുഴിയിലെ അങ്കണവാടിയില്‍ പോയി അവിടെ നിന്ന് കുഞ്ഞിനെയും എടുത്ത് കുറുമശേരിയിലെ സ്വന്തം വീട്ടിലേക്ക് മടങ്ങുകയായിരുന്നു. മൂഴിക്കുളത്ത് ബസില്‍ നിന്ന് ഇരുവരും ഇറങ്ങുന്നതിന്റെ സിസിടിവി ദൃശ്യങ്ങള്‍ ലഭിച്ചു. ചാലക്കുടി പുഴ സ്റ്റോപ്പില്‍ നിന്ന് നൂറ് മീറ്റര്‍ അകലെയാണ്. കുട്ടിയുമായി സ്ത്രീ ഈ പാലത്തില്‍ എത്തിയിരുന്നു. പിന്നീട് അവര്‍ കുറുമശേരിയിലെ വീട്ടിലേക്ക് ഒറ്റയ്ക്ക് പോയി. ഓട്ടോ ഡ്രൈവറും ഇത് സ്ഥിരീകരിച്ചു. ആലുവ വരെ കുട്ടി തന്നോടൊപ്പമുണ്ടായിരുന്നുവെന്നും അതിനുശേഷം കാണാനില്ലെന്നുമായിരുന്നു സന്ധ്യയുടെ ആദ്യ മൊഴി. പിന്നീട് അവര്‍ മൊഴി മാറ്റി. അവരുടെ മൊഴികള്‍ പരസ്പരവിരുദ്ധമായിരുന്നു. കസ്റ്റഡിയിലെടുത്ത് ചോദ്യം ചെയ്തപ്പോള്‍, പാലത്തിന് സമീപം കുട്ടിയെ ഉപേക്ഷിച്ചതായി സന്ധ്യ പറഞ്ഞു. തുടര്‍ന്ന് നടത്തിയ അന്വേഷണത്തിലാണ് കുട്ടിയുടെ മൃതദേഹം കണ്ടെത്തിയത്. മൃതദേഹം ആലുവ താലൂക്ക് ആശുപത്രിയിലേക്ക് മാറ്റി.
