കൌമാരകേരളത്തിന്റെ കായികമേളയില്‍ എറണാകുളം ജില്ലയാണ് ഒന്നാമത് എത്തിയത്. 241 പോയിന്റുമായാണ് എറണാകുളം ചാമ്പ്യന്‍പട്ടം നിലനിര്‍ത്തിയത്. പാലക്കാട് ജില്ലയാണ് രണ്ടാമത്. ആതിഥേയരായ കോഴിക്കോടാണ് മൂന്നാംസ്ഥാനത്ത്. 221, 120 എന്നിങ്ങനെയാണ് യഥാക്രമം പാലക്കാടിന്റെയും കോഴിക്കോടിന്റെയും പോയിന്റെ നില.
സംസ്ഥാന സ്കൂള് കായികമേളയില്‍ സ്കൂള് തലത്തില്‍ കോതമംഗലം മാര്‍ ബേസില്‍ സ്കൂളിന് കിരീടം. 800 മീറ്ററില്‍ അനുമോള്‍ വെള്ളി നേടിയതോടെയാണ് മാര്‍ ബേസില്‍ ഒന്നാം സ്ഥാനത്ത് എത്തിയത്. 91 പോയിന്റ് നേടിയാണ് മാര്‍ ബേസില്‍ സ്കൂള് ഒന്നാമത് എത്തിയത്. 10 സ്വര്‍ണം 12 വെള്ളി ഏഴ് വെങ്കലം എന്നിങ്ങനെയാണ് മാര്‍ ബേസില്‍ സ്കൂളിന്റെ സമ്പാദ്യം.
