തന്റെ മകന് ഒരിക്കലും അബദ്ധം പറ്റില്ലെന്ന് കോഴിക്കോട് വെച്ച് വെടിയേറ്റു മരിച്ച എന്‍ സി സി കേഡറ്റ് ധനുഷിന്റെ അമ്മ രമാദേവി. ഒരു സ്വകാര്യവാര്‍ത്താ ചാനലാണ് ധനുഷിന്റെ അമ്മയുടെ പ്രതികരണം പുറത്തുവിട്ടത്. എന്‍ സി സിക്കു വേണ്ടി വളരെ ആത്മാര്‍ത്ഥമായി അദ്ധ്വാനിക്കുന്ന കുട്ടിയാണ് തന്റെ മകനെന്നും അവന് അബദ്ധം പറ്റില്ലെന്നും അദ്ദേഹം വ്യക്തമാക്കി.
അതേസമയം, ധനുഷ് സ്വയം വെടിയേറ്റു മരിച്ചെന്ന വാദം അടിസ്ഥാനരഹിതമാണെന്ന് ധനുഷിന്റെ ബന്ധുക്കള്‍ ആരോപിച്ചു. എന്‍ സി സിയുടെ അന്വേഷണത്തില്‍ തൃപ്‌തരല്ലെന്നും ബന്ധുക്കള്‍ പറഞ്ഞു. ഉച്ചയ്ക്ക് ഒന്നരയോടെ സംഭവം നടന്നിട്ടും വൈകുന്നേരം നാലുമണിയോടെയാണ് ഇക്കാര്യം അധികൃതര്‍ വീട്ടില്‍ അറിയിച്ചതെന്നും ബന്ധുക്കള്‍ കുറ്റപ്പെടുത്തി.
