നേരത്തെ സോളർ കമ്മിഷനു മുമ്പാകെ ഹാജരാകാന്‍ തയാറാകിതിരുന്ന സുധീരനെ രൂക്ഷമായ ഭാഷയിലാണ് കമ്മിഷന്‍ വിമര്‍ശിച്ചത്. സംശുദ്ധ രാഷ്ട്രീയത്തിന്റെ പ്രതീകം എന്നൊക്കെ അറിയപ്പെടുന്ന നേതാവായ സുധീരൻ ഇത്രയും പ്രധാനപ്പെട്ട കേസിൽ ഇങ്ങനെ നിലപാടു സ്വീകരിക്കുന്നതു ശരിയല്ല. ഭരണകക്ഷിയുടെ പ്രധാന പദവി വഹിക്കുന്ന നേതാവ് എന്ന നിലയിൽ സോളർ തട്ടിപ്പ് വിഷയത്തിൽ സുധീരനു തീർച്ചയായും അഭിപ്രായമുണ്ടാകണം. അതു ധൈര്യപൂർവം കമ്മിഷനു മുൻപിൽ പറയുകയാണു വേണ്ടതെന്നും അല്ലാതെ, സാക്ഷിപ്പട്ടികയിൽനിന്ന് ഒഴിവാക്കണമെന്നു പറഞ്ഞ് അപേക്ഷ നൽകുന്നതു ശരിയായ രീതിയല്ലെന്നും കമ്മിഷൻ വ്യക്തമാക്കിയിരുന്നു.
