മണ്ഡലകാലത്തോടനുബന്ധിച്ച് ശബരിമലയിൽ കനത്ത സുരക്ഷ. കൂടുതൽ പ്രശ്‌നങ്ങൾ ഉണ്ടാകാനുള്ള സാധ്യത കണക്കിലെടുത്ത് സംഘപരിവാർ, ബിജെപി നേതാക്കളെ അറസ്റ്റ് ചെയ്‌തു. അറസ്‌റ്റുചെയ്‌ത ഹിന്ദു ഐക്യവേദി സംസ്ഥാന അധ്യക്ഷ കെ പി ശശികലയെ റാന്നി സ്‌റ്റേഷനിലെത്തിച്ചു.
ശശികലയെ അറസ്‌റ്റുചെയ്‌തതിന് പിന്നാലെ ശബരിമല ആചാര സംരക്ഷണ സമിതി കൺവീനർ പൃഥ്വിപാൽ, ബിജെപി നേതാവ് പി സുധീർ എന്നിവരെയും ഇന്ന് പുലർച്ചെ അറസ്‌റ്റുചെയ്‌തിട്ടുണ്ട്. ശശികലയെ അറസ്റ്റു ചെയ്തതിനു പിന്നാലെ ഹിന്ദു ഐക്യവേദിയും ശബരിമല കർമസമിതിയും ആഹ്വാനം ചെയ്ത ഹർത്താലിന് തുടക്കമായി.
