കൊവിഡ് ബാധിച്ച് മരിച്ച പോത്തൻകോട് സ്വദേശി എങ്ങനെ വൈറസ് ബാധിതനായി എന്നതിൽ ഇതുവരെയും വ്യക്തത കൈവന്നിട്ടില്ല. ഈ സാഹചര്യത്തിലാണ് പോത്തൻകോട് ആദ്യ റാപ്പിഡ് ടെസ്റ്റ് നടത്തുന്നത്.പോത്തൻകോടിൽ മരിച്ചയാൾ നിസ്‌കാരത്തില്‍ പങ്കെടുത്ത പോത്തന്‍കോട്ടെ ജുമാമസ്ജിദിലുള്ളവരെ കണ്ടെത്തി പരിശോധന നടത്താനാണ് ആരോഗ്യവകുപ്പിന്റെ ശ്രമം. അയാളുടെ ബന്ധുക്കളെയും ടെസ്റ്റിന് വിധേയരാക്കും. കോൺഗ്രസ് എം പിയായ ശശി തരൂരിന്റെ നേതൃത്വത്തിലാണ് സംസ്ഥാനത്ത് ആദ്യ റാപ്പിഡ് ടെസ്റ്റ് കിറ്റുകൾ എത്തിയത്.ഐ.സി.എം.ആര്‍. അംഗീകാരം ലഭിച്ച പൂനെയിലെ 'മൈ ലാബ്' എന്ന കമ്പനിയാണ് കിറ്റുകള്‍ തയ്യാറാക്കിയത്.
