പി സിയെ നീക്കുന്ന കാര്യത്തില്‍ അന്തിമ തീരുമാനമായിട്ടില്ലെന്ന് ചെന്നിത്തല
ഞായര്‍, 29 മാര്‍ച്ച് 2015 (13:29 IST)
പി സി ജോര്‍ജിനെ ചീഫ് വിപ്പ് സ്ഥാത്തു നിന്നും നീക്കുന്ന കാര്യത്തില്‍ അന്തിമ തീരുമാനമായിട്ടില്ലെന്ന് ആഭ്യന്തരമന്ത്രി രമേശ് ചെന്നിത്തല. യുഡിഎഫിന്റെ മറ്റ് തേതാക്കളുമായി ചര്‍ച്ച ചെയ്തതിന് ശേഷമാകും നടപടിയെടുക്കുകയെന്നും ചെന്നിത്തല വ്യക്തമാക്കി.
നേരത്തെ സര്‍ക്കാര്‍ ചീഫ് വിപ്പ് പിസി ജോര്‍ജ് വിഷയത്തില്‍ വ്യാഴാഴ്ച തീരുമാനമുണ്ടാകുമെന്ന് മുഖ്യമന്ത്രി ഉമ്മന്‍ചാണ്ടി അറിയിച്ചിരുന്നു. വിദേശത്ത് നിന്ന് താന്‍ മടങ്ങിയെത്തിയ ശേഷം പ്രശ്‌നത്തിന് പരിഹാരം ഉണ്ടാകുമെന്നും അദ്ദേഹം പറഞ്ഞു.
പി സി ജോര്‍ജിനെ നീക്കുന്ന കാര്യത്തില്‍ മാണിയുടെ നിലപാടില്‍ അയവില്ലാതെ തുടരുകയാണ്. ജോസഫ് വിഭാഗവും മാണിക്ക് അനുകൂലമായ നിലപാടെടുത്തിരിക്കുന്ന സാഹചര്യത്തില്‍ പി സിയുടെ സ്ഥാനം തെറിക്കുമെന്നാണ് സൂചന.
