പോലീസ് ഉദ്യോഗസ്ഥര്‍ക്കെതിരെ നല്‍കിയ പരാതിയില്‍ ഇന്ന് പി വി അന്‍വര്‍ എംഎല്‍എയുടെ മൊഴിയെടുക്കും. ഡിഐജി ഇക്കാര്യം അറിയിച്ചിട്ടുണ്ടെന്ന് പിവി അന്‍വര്‍ തന്നെയാണ് അറിയിച്ചത്. പരമാവധി തെളിവുകള്‍ അന്വേഷണ സംഘത്തിന് നല്‍കുമെന്നും അന്‍വര്‍ പറഞ്ഞു. ഇന്ന് രാവിലെ മലപ്പുറത്ത് തൃശ്ശൂര്‍ റേഞ്ച് ഡിഐജി തോംസണ്‍ ജോസാണ് പിവി അന്‍വറിന്റെ മൊഴിയെടുക്കുന്നത്. അതേസമയം പിവി അന്‍വര്‍ നല്‍കിയ പരാതി ഉദ്യോഗ വീഴ്ചയെ സംബന്ധിച്ചുള്ളതാണെന്നും അന്വേഷണം നടത്തേണ്ടത് ഭരണതലത്തിലാണെന്നും സിപിഎം സംസ്ഥാന സെക്രട്ടറി എംവി ഗോവിന്ദന്‍ പറഞ്ഞു.
