സംസ്ഥാനത്തിന് മാതൃകയായി നായ്ക്കൾക്ക് സംരക്ഷണകേന്ദ്രം നൽകിയ നഗരസഭയാണ് പാലായെന്ന് ഓർക്കണം. നായ്ക്കൾക്കായി 'പാർക്ക്' പണിതു കൊടുത്ത പാലാ നഗരസഭയെ അന്ന് എല്ലാവരും പുകഴ്ത്തിയിരുന്നു. എന്നാൽ, ഇന്ന് പാർക്കിന്റെ പ്രവർത്തനം അവതാളത്തിലാണ്. അറുപതോളം നായ്ക്കളെ ഒരേസമയം സംരക്ഷിക്കാന്‍ സൗകര്യമുള്ള ഡോഗ്പാര്‍ക്കില്‍ ഇപ്പോള്‍ വിരലിലെണ്ണാവുന്ന നായ്ക്കള്‍ മാത്രമാണുള്ളത്. ഏഴു ലക്ഷം രൂപ മുടക്കിയാണ് നായ്ക്കൾക്കായി സംരക്ഷണകേന്ദ്രം പണിതത്.
