കൊച്ചുമോനെതിരെ ചില കൊച്ചു കേസുകൾ; മദ്യപാനത്തിന് ഭാര്യ മൂക്കുകയർ ഇട്ടു, കൊച്ചുമോൻ പുളിമരത്തിൽ കയറി, പിന്നെ നടന്നത് അവിശ്വസനീയം
പുളിമരത്തിൽ കയറിയ കൊച്ചുമോന്റെ അഭ്യാസങ്ങൾ ഭാര്യയെ മാത്രമല്ല നാട്ടുകാരെയും പൊലീസിനേയും വട്ടം കറക്കി. സ്ഥിരമായി മദ്യപിക്കുന്ന കൊച്ചുമോന്റെ കലഹം സഹിക്കാനാകതെയാണ് മദ്യപാനത്തിന് ഭാര്യ മൂക്കുകയർ ഇട്ടത്. എന്നാൽ ഭാര്യയോട് തോൽക്കാനാകില്ലെന്നും ആത്മഹത്യ ചെയ്ത് പ്രതികാരം തീരിക്കുമെന്നും പറഞ്ഞാണ് മരത്തിൽ കയറിയത്.
മരത്തിൽ കയറിയ കൊച്ചുമോന്റെ അഭ്യാസങ്ങൾ കാണാൻ നിരവധിപേർ തടിച്ച് കൂടിയിരുന്നു. നാട്ടുകാരെയും അനുനയിപ്പിക്കാനെത്തിയ പൊലീസുകാരെയും കൊച്ചുമോന്‍ അസഭ്യം പറഞ്ഞ് പരിഹസിച്ചു. അതോടൊപ്പം, മാന്നാര്‍ എസ് ഐ ശ്രീജിന്റെ മുഖത്തേക്ക് അടിവസ്ത്രം വലിച്ചെറിഞ്ഞും കൊച്ചുമോന്‍ ഭാര്യയോടുള്ള അരിശം തീര്‍ത്തു.
