കൊച്ചിയില്‍ ഇന്നലെ പൊലീസ് റെയ്ഡ് ചെയ്ത നൗകയില്‍ നിശാപാര്‍ട്ടി ഒരുക്കിയത് ഒരു പ്രസിദ്ധ സിനിമാ നിര്‍മ്മാതാവായിരുന്നു. ഇയാളുടെ ഫേസ്ബുക്കില്‍ നിന്നാണ് പൊലീസിന് നിശാ പാര്‍ട്ടിയെകുറിച്ചുള്ള വിവരം ലഭിച്ചത്.കൊച്ചിയില്‍ ഡി ജെ പാര്‍ട്ടികള്‍ നടത്തുന്നതിന് ഇയാള്‍ നേതൃത്വം നല്‍കിയിരുന്നു. സിനിമ താരങ്ങളുടെ അപരന്‍മാരെ വെച്ച് ഇയാള്‍ ഡിജെ പാര്‍ട്ടികള്‍ നടത്തിയിരുന്നു. ഇയാള്‍ നടത്തി വന്ന നിശാപാര്‍ട്ടികളില്‍ ചലച്ചിത്ര താരങ്ങളും ചാനല്‍ അവതാരകയും സ്ഥിരം പങ്കാളികളായിരുന്നു.
