കൊച്ചിയില്‍ നടിയെ തട്ടിക്കൊണ്ടുപോയി ആക്രമിച്ച കേസുമായി ബന്ധപ്പെട്ട് നടന്‍ ദിലീപ് അറസ്റ്റിലായ സംഭവത്തിന് പിന്നില്‍ മൂന്ന് പേരുടെ ഗൂഢാലോചനയാണുള്ളതെന്ന് പി.സി ജോര്‍ജ്ജ് എം.എല്‍.എ. കോടിയേരി ബാലകൃഷ്ണനും എ.ഡി.ജി.പി ബി. സന്ധ്യയും കൂടാതെ ഒരു തിയേറ്റര്‍ ഉടമയുമാണ് ഇതിന്റെയെല്ലാം പിന്നിലുള്ളത്‍. പിണറായിക്കെതിരായ കോടിയേരിയുടെ കളിയാണ് ഇതെന്നും അദ്ദേഹം പറഞ്ഞു.
ദിലീപിനെ പോലെ മാന്യനായ ഒരു സിനിമാനടന്‍ ഇല്ലെന്നാണ് നേരത്തെ പി സി ജോര്‍ജ്ജ് പറഞ്ഞത് അയാളെ നശിപ്പിക്കാനായി കുറെ കള്ളക്കച്ചവടക്കാര്‍ ഇറങ്ങിയിരിക്കുന്നു എന്നല്ലാതെ മറ്റൊന്നും ഇതിലില്ല. ദിലീപ് ഒരു മാന്യനായതു കൊണ്ട് ഇതെല്ലാം സഹിച്ചും ക്ഷമിച്ചും നില്‍ക്കുന്നു. ഞാന്‍ ആണെങ്കില്‍ കാണിച്ചു കൊടുത്തേനെ. മാന്യനായ ഒരു മനുഷ്യനെ തേജോവധം ചെയ്യാന്‍ രണ്ടുമൂന്നു പെണ്ണുങ്ങള്‍ ഇറങ്ങിത്തിരിച്ചിരിക്കുകയാണെന്നുമാണ് പി.സി ജോര്‍ജ് പറഞ്ഞത്.
