കേരള കലാമണ്ഡലം മുന്‍ പ്രിന്‍സിപ്പലും പ്രശസ്ത മോഹിനിയാട്ട നര്‍ത്തകിയുമായ കലാമണ്ഡലം സത്യഭാമ അന്തരിച്ചു. 77 വയസ്സ് ആയിരുന്നു. ഒറ്റപ്പാലത്തെ സ്വകാര്യ ആശുപത്രിയില്‍ ഞായറാഴ്ച പുലര്‍ച്ചെയായിരുന്നു അന്ത്യം. ഉച്ചയ്ക്ക് രണ്ടുമണിക്ക് മൃതദേഹം കലാമണ്ഡലത്തില്‍ പൊതുദര്‍ശനത്തിനു വെയ്ക്കും. വൈകുന്നേരം നാല് മണിക്ക് ഷൊര്‍ണൂര്‍ ശാന്തിതീരത്ത് ആണ് സംസ്കാരം.
1954-ല്‍ മഹാകവി വള്ളത്തോളിന്റെ നേതൃത്വത്തില്‍ മലയ, സിംഗപ്പൂര്‍ എന്നിവിടങ്ങളില്‍ പര്യടനം നടത്തിയ സംഘത്തില്‍ അംഗമായിരുന്നു. 1957-ല്‍ കലാമണ്ഡലത്തില്‍ അഡീഷണല്‍ അധ്യാപികയായി. 1993-ല്‍ പ്രിന്‍സിപ്പല്‍ ആയിരിക്കേ വിരമിച്ചു.
