കൈവെട്ട് കെസ്: ഗൂഢാലോചനയില്‍ പങ്കെടുത്തിരുന്നയാള്‍ അറസ്‌റ്റില്‍
ന്യൂമാന്‍ കോളേജ് പ്രൊഫസര്‍ ടിജെ ജോസഫിന്റെ കൈവെട്ടിയ സംഭവത്തില്‍ ഗൂഢാലോചന നടത്തിയ ഒരാളെ കൂടി എന്‍ഐഎ അറസ്റ്റ് ചെയ്തു. കോയമ്പത്തൂരിലെ ഒളിത്താവളത്തില്‍ കഴിയുകയായിരുന്ന ആലുവ കുഞ്ഞുണ്ണിക്കര സ്വദേശി കെഎ നജീബിനെയാണ് ഡിവൈഎസ്പി അബ്ദുല്‍ ഖാദറിന്റെ നേതൃത്വത്തിലുള്ള സംഘം പിടികൂടിയത്.
ആക്രമണത്തിനിടെ പരുക്കേറ്റ ഒന്നാം പ്രതി സവാദിനെയും അഞ്ചാം പ്രതി ഷംസുദ്ദീനെയും ആശുപത്രിയില്‍ ചികില്‍സക്കെത്തിച്ചതും നജീബാണെന്ന് എന്‍ഐഎ ഉദ്യോഗസ്ഥര്‍ പറഞ്ഞു.
