ചിത്രത്തിന്റെ പ്രധാന ചിത്രീകരണം കോഴിക്കോട്ടും ഗുരുവായൂരുമാണ്. മോഹന്‍ സിത്താര സംഗീത സംവിധാനം നിര്‍വഹിക്കുന്ന ഈ ചിത്രത്തിലെ വരികള്‍ ബാപ്പു വാവാടിന്റെയാണ്. ബിജോയ്‌സ് ഛായാഗ്രഹണവും സുരേഷ്‌ ഫിറ്റ്‌വെല്‍ വസ്‌ത്രാലങ്കാരവും ദിനേശ്‌ കാലിക്കറ്റ് ചമയവും നിര്‍വഹിക്കുന്ന ചിത്രത്തിന്റെ പ്രൊഡക്‌ഷന്‍ കണ്‍ട്രോളര്‍ ഷെയ്‌ഖ്‌ അഫ്‌സലും ചീഫ്‌ അസോസിയേറ്റ്‌ ഡയറക്‌ടര്‍ കുടമാളൂര്‍ രാജാജിയും ആണ്.
കോഴിക്കോട് വെച്ചു നടന്ന വാര്‍ത്താസമ്മേളനത്തില്‍ സംവിധായന്‍ സജീഷ്‌ വേലായുധനെ കൂടാതെ തിരക്കഥാകൃത്തുക്കളായ ശ്രീജേഷ്‌, വിപിനേഷ്‌, ഗാനരചയിതാവ്‌ ബാപ്പു വാവാട്‌, നൗഷാദിന്റെ ഭാര്യാപിതാവ്‌ ഹംസക്കോയ, അമ്മാവന്‍മാരായ ഷാജി, ഷാഫി, സഹോദരീഭര്‍ത്താവ്‌ സല്‍മാന്‍ തുടങ്ങിയവരും പങ്കെടുത്തു.
