അതേസമയം എറണാകുളത്തെ ഫ്‌ലാറ്റില്‍ നിന്നും തൊപ്പിയെ വാതില്‍ ചവിട്ട് പൊളിച്ച് അറസ്റ്റ് ചെയ്തതില്‍ പോലീസ് വിശദീകരണവുമായി രംഗത്തെത്തി. ഒരു മണിക്കൂറോളം പുറത്ത് കാത്തുനിന്ന ശേഷമാണ് തൊപ്പിയെ വാതില്‍ പൊളിച്ച് കസ്റ്റഡിയിലെടുത്തതെന്ന് പോലീസ് പറഞ്ഞു. വളാഞ്ചേരിയിലെ ഒരു ഉദ്ഘാടന പരിപാടിക്കെത്തിയപ്പോള്‍ അശ്ലീല പരാമര്‍ശം നടത്തുകയും ഗതാഗത തടസ്സം സൃഷ്ടിക്കുകയും ചെയ്തുവെന്നാണ് ഇയാള്‍ക്കെതിരായ കേസ്. ഇതിനെ തുടര്‍ന്നാണ് പോലീസ് കസ്റ്റഡിയിലെടുത്തത്.
