സംസ്ഥാനത്ത് പനി ബാധിതരുടെ എണ്ണം ദിനംപ്രതി കൂടുകയാണ്. പകര്‍ച്ചപ്പനിക്കൊപ്പം ഡെങ്കിപ്പനി, എലിപ്പനി, മലേറിയ എന്നിവയും പടരുന്നുണ്ട്. അതീവ ജാഗ്രത പാലിക്കണമെന്ന് ആരോഗ്യവകുപ്പ് മുന്നറിയിപ്പ് നല്‍കുന്നു. ഇന്നലെ മാത്രം മലപ്പുറം ജില്ലയില്‍ രണ്ടായിരത്തിലേറെ പേര്‍ പനി ബാധിച്ച് ചികിത്സ തേടിയെന്നാണ് കണക്കുകള്‍. ഓരോ ജില്ലകളിലേയും ഇന്നലെത്തെ പനി ബാധിതരുടെ എണ്ണം നോക്കാം..
കോഴിക്കോട് - 1542
വയനാട് - 615
കണ്ണൂര്‍ - 908
കാസര്‍ഗോഡ് - 695
പല തരത്തിലുള്ള പനികള്‍ പടരുന്നതിനാല്‍ പനി ലക്ഷണങ്ങള്‍ ഉള്ളവര്‍ വൈദ്യസഹായം ഉറപ്പാക്കണമെന്ന് ആരോഗ്യവകുപ്പ് പറഞ്ഞു. പനിക്ക് സ്വയം ചികിത്സ അരുതെന്നാണ് ആരോഗ്യവകുപ്പിന്റെ നിര്‍ദേശം. ഡെങ്കിപ്പനി, മലേറിയ തുടങ്ങിയവ ചികിത്സ വൈകിയാല്‍ മൂര്‍ച്ഛിക്കാന്‍ സാധ്യതയുണ്ട്. അതുകൊണ്ട് പനി ലക്ഷണങ്ങളുള്ളവര്‍ വൈദ്യസഹായം തേടണമെന്നാണ് ആരോഗ്യവകുപ്പിന്റെ മുന്നറിയിപ്പ്.
