വിശാല ഇടതുപക്ഷ ഐക്യം അനിവാര്യം: എം എ ബേബി
വിശാല ഇടതുപക്ഷ ഐക്യം അനിവാര്യമാണെന്നും കമ്മ്യൂണിസ്റ്റ് പാര്‍ട്ടികള്‍ സഹകരിച്ച് പ്രവര്‍ത്തിക്കാന്‍ തയാറാകണമെന്നും സിപി‌എം ബ്യൂറോ അംഗം എംഎ ബേബി ആവശ്യപ്പെട്ടു. ആലപ്പുഴയില്‍ പി കൃഷ്ണപിള്ള അനുസ്മരണ ചടങ്ങില്‍ സംസാരിക്കുകയായിരുന്നു അദ്ദേഹം. സിപിഐയും സിപിഎമ്മും സംയുകതമായാണ് ദിനാചരണം സംഘടിപ്പിച്ചത്.
ദേശീയതലത്തില്‍ ജനങ്ങള്‍ സിപിഎമ്മില്‍ നിന്ന് അകന്നുവെന്നും പശ്ചിമബംഗാള്‍ ഉള്‍പ്പെടെയുള്ള സംസ്ഥാനങ്ങളില്‍ ലോക്സഭ തെരഞ്ഞെടുപ്പില്‍ പാര്‍ട്ടിക്ക് തിരിച്ചടി നേരിടാന്‍ ഇത് കാരണമായെന്നും അദ്ദേഹം പറഞ്ഞു.
അതേസമയം കമ്യൂണിസ്റ്റ് നേതൃത്വത്തിന് സവര്‍ണ മനോഭാവമാണെന്ന് ചടങ്ങില്‍ സംസാരിച്ച സിപിഐ ദേശീയ എക്സിക്യുട്ടീവ് അംഗം കെഇ ഇസ്മായില്‍ പറഞ്ഞു. ഇടതുപക്ഷ പ്രസ്ഥാനങ്ങള്‍ ഒന്നിക്കണമെന്നും അദ്ദേഹം കൂട്ടിച്ചേര്‍ത്തു.
