സ്വര്‍ണക്കടത്തുകേസിലെ പ്രതികള്‍ ശിവശങ്കറുമായി ഫോണിലൂടെ നിരന്തരസമ്പര്‍ക്കം പുലര്‍ത്തിയിട്ടുണ്ടോ എന്നാണ് അന്വേഷണം. ശിവശങ്കറിന്‍റെ ഫോണ്‍ രേഖകളില്‍ സ്വപ്‌നയും സരിത്തുമായി ബന്ധപ്പെട്ടത് വ്യക്‍തമാണ്. ഇത് തികച്ചും ഔദ്യോഗികമായ സംഭാഷണങ്ങലാണോ അതോ അതിനപ്പുറമുള്ള കാര്യങ്ങള്‍ അതിലുണ്ടോ എന്നാണ് പ്രധാനമായും അന്വേഷിക്കുന്നത്.
ഈ അന്വേഷണത്തിന്‍റെ ഫലമായി ലഭിക്കുന്ന വിവരങ്ങളനുസരിച്ച് നടപടി സ്വീകരിക്കുമെന്ന് മുഖ്യമന്ത്രി അറിയിച്ചു. അതേസമയം, കെ ടി ജലീലും സ്വര്‍ണക്കടത്തുകേസിലെ പ്രതികളും തമ്മില്‍ നടന്ന ഫോണ്‍ സംഭാഷണങ്ങളെപ്പറ്റി ജലീല്‍ തന്നെ വിശദമാക്കിയിട്ടുണ്ടെന്നും അത്തരം സംശയങ്ങള്‍ക്കൊന്നും ഇപ്പോള്‍ അടിസ്ഥാനമില്ലെന്നും പിണറായി വിജയന്‍ വ്യക്തമാക്കി.
