വരും ദിവസങ്ങളിലും സംസ്ഥാനത്ത് മഴ തുടരുമെന്ന് കേന്ദ്ര കാലാവസ്ഥ വകുപ്പ്. വടക്കന്‍ കേരളത്തിലായിരിക്കും കൂടുതല്‍ മഴ ലഭിക്കുക. വടക്കന്‍ കേരള തീരം മുതല്‍ ഗുജറാത്ത് വരെ നിലനില്‍ക്കുന്ന ന്യുനമര്‍ദ്ദപാത്തിയുടെ സ്വാധീനത്താലാണ് വടക്കന്‍ കേരളത്തില്‍ ശക്തമായ മഴ ലഭിക്കുന്നത്. പ്രത്യേകിച്ച് കാസര്‍ഗോഡ്, കണ്ണൂര്‍, ജില്ലകളില്‍ കൂടുതല്‍ മഴ ലഭിക്കും. മറ്റു ജില്ലകളില്‍ മിതമായ/ഇടത്തരം മഴയ്ക്കും സാധ്യത.
2. മല്‍സ്യബന്ധന യാനങ്ങള്‍ (ബോട്ട്, വള്ളം, മുതലായവ) ഹാര്‍ബറില്‍ സുരക്ഷിതമായി കെട്ടിയിട്ട് സൂക്ഷിക്കുക. വള്ളങ്ങള്‍ തമ്മില്‍ സുരക്ഷിത അകലം പാലിക്കുന്നത് കൂട്ടിയിടിച്ചുള്ള അപകട സാധ്യത ഒഴിവാക്കാം. മല്‍സ്യബന്ധന ഉപകരണങ്ങളുടെ സുരക്ഷ ഉറപ്പാക്കണം.
