കൊല്‍ക്കത്തയില്‍ വനിതാ ഡോക്ടറുടെ കൊലപാതകത്തില്‍ ഓരോ ഇന്ത്യക്കാരനും ലജ്ജിച്ചു മുഖം താഴ്ത്തണമെന്ന് ഗായിക കെഎസ് ചിത്ര. ഡല്‍ഹിയിലെ നിര്‍ഭയ സംഭവത്തെക്കാള്‍ ഭീകരവും ക്രൂരവുമാണ് നടന്നതെന്ന് ചിത്ര പറഞ്ഞു. സോഷ്യല്‍ മീഡിയയില്‍ പങ്കുവെച്ച കുറുപ്പിലാണ് കെഎസ് ചിത്ര ഇക്കാര്യം പറയുന്നത്. ഡോക്ടറെ ആക്രമിച്ച് കൊലപ്പെടുത്തുകയും പിന്നീട് തെളിവ് നശിപ്പിക്കാനുള്ള ശ്രമങ്ങളെ സംബന്ധിച്ചുള്ള വാര്‍ത്തകളും കേട്ട് താന്‍ ഞെട്ടിത്തരിച്ചിരിക്കുകയാണെന്നും ഇതില്‍ ഓരോ ഇന്ത്യക്കാരനും ലജ്ജിച്ചു മുഖം താഴ്ത്തണമെന്നും ചിത്ര പറഞ്ഞു.
