ഉമ്മന്‍ചാണ്ടിയും ചെന്നിത്തലയും ചേര്‍ന്നാണ് മലീനീകരണ നിയന്ത്രണ വകുപ്പ് തന്നില്‍ നിന്നും എടുത്ത് മാറ്റിയത്. വകുപ്പിലെ അഴിമതികള്‍ ചൂണ്ടിക്കാട്ടിയതിനാണ് തന്നെ സ്ഥാനത്ത് നിന്നും മാറ്റിയത്. തന്നില്‍ നിന്നും ആ വകുപ്പ് എടുത്ത് മാറ്റിയ അന്നുരാത്രി തന്നെ ടൈറ്റാനിയത്തിന് മലീനീകരണ നിയന്ത്രണ വകുപ്പ് ക്ലിയറന്‍സ് നല്‍കുകയും ചെയ്തു. രാമചന്ദ്രന്‍ മാസ്റ്റര്‍ കൂട്ടിച്ചേര്‍ത്തു.
ടൈറ്റാനിയം കേസില്‍ അഴിമതി നടന്നതിന്റെ തെളിവുകള്‍ ലഭ്യമായെന്ന് വിജിലൻസ് ഡയറക്ടർ ജേക്കബ് തോമസ് വ്യക്തമാക്കിയിരുന്നു. മുൻമുഖ്യമന്ത്രി ഉമ്മൻ ചാണ്ടി, പ്രതിപക്ഷ നേതാവ് രമേശ് ചെന്നിത്തല എന്നിവർ ആരോപണം നേരിടുന്ന കേസാണ് ഇത്.
