ജനുവരി ഒന്നിന് ശേഷം വിദേശത്തു നിന്നും നാട്ടിലെത്തുകയും ലോക് ഡൗണ് കാരണം മടങ്ങിപ്പോകാനാകാതെ വരുകയും ചെയ്തവര്ക്ക് സര്ക്കാര് പ്രഖ്യാപിച്ചിരുന്ന 5000 രൂപയുടെ ആശ്വാസധനം ഇതുവരെ 70000 പേര്ക്ക് വിതരണം ചെയ്തു. ഇതിനായി 35 കോടി രൂപ വിനിയോഗിച്ചു.
ആവശ്യമായ രേഖകള് സമര്പ്പിച്ചവര്ക്ക് ബാങ്ക് അക്കൗണ്ടിലേക്കാണ് തുക കൈമാറിയത്. അര്ഹരായ ബാക്കി അപേക്ഷകര്ക്ക് വൈകാതെ തുക കൈമാറുമെന്നും അധികൃതര് അറിയിച്ചു.
