കേരള ലോട്ടറി: ഒരേ നമ്പരില്‍ രണ്ടെണ്ണം
വിശ്വാസ്യതയ്ക്ക് പേരുകേട്ട കേരള ലോട്ടറിക്കു വിനയാകുന്ന രീതിയില്‍ ഒരേ നമ്പരില്‍ രണ്ട് ലോട്ടറികള്‍ വില്‍പ്പനയ്ക്കെത്തി. കിളിമാനൂര്‍ എസ്.എന്‍.തിയേറ്ററിനടുത്ത് ലോട്ടറി വില്‍പ്പന നടത്തുന്ന ഷാനവാസില്‍ നിന്ന് ലോട്ടറി വാങ്ങിയ ആളിനാണു ഒരേ നമ്പരിലുള്ള രണ്ട് ലോട്ടറികളും ലഭിച്ചത്.
തിങ്കളാഴ്ച നറുക്കെടുപ്പു നടന്ന വിന്‍വിന്‍ W 309 ലോട്ടറിയുടെ WH- 315857 നമ്പരിലുള്ള രണ്ട് ടിക്കറ്റുകള്‍ അച്ചടിച്ചു വന്നത്. അന്വേഷണത്തില്‍ ലോട്ടറി മൊത്തക്കച്ചവടക്കാരായ ഭഗവതി ഏജന്‍സിയില്‍ നിന്നാണു തനിക്ക് ഈ രണ്ട് ലോട്ടറികളും ലഭിച്ചതെന്ന് ഷാനവാസ് പറഞ്ഞു. എന്തായാലും ഈ ടിക്കറ്റിനു ഭാഗ്യമില്ലാതെ പോയത് രക്ഷയായി - ലോട്ടറി വകുപ്പിന്.
