ഇന്ന് സംസ്ഥാനത്ത് 108 പേര്ക്ക് കൊവിഡ് സ്ഥിരീകരിച്ചതോടെ ചികിത്സയിലുള്ളവരുടെ എണ്ണം 1029 ആയി. അതേസമയം രണ്ടുലക്ഷം പേരാണ് സംസ്ഥാനത്ത് നിരീക്ഷണത്തില് കഴിയുന്നത്. രോഗം ബാധിച്ചവരില് ഭൂരിഭാഗവും പുറത്തുനിന്ന് വന്നവരാണ്. നേരത്തേ 16പേര് മാത്രം ചികിത്സയിലിരിക്കെയാണ് അന്യസംസ്ഥാനത്തുനിന്നും വിദേശത്തുനിന്നും ആളുകള് എത്തിത്തുടങ്ങിയത്. ഇതോടെ രോഗികളുടെ എണ്ണം വര്ധിക്കുകയായിരുന്നു.
