കാർഷിക മേഖലയ്‌ക്ക് സർക്കാരിന്റെ താങ്ങ്, റബറിന്റെ തറവില 170, നെല്ലിന്റെയും നാളികേരത്തിന്റെയും സംഭരണ വില ഉയർത്തി

പിണറായി വിജയൻ സർക്കാരിന്റെ അവസാന ബജറ്റിൽ കാർഷിക മേഖലയ്ക്ക് ഊന്നൽ. റബറിന്റെ തറവില 170 രൂപയാക്കാൻ ബജറ്റിൽ തീരുമാനം. അതേസമയം നെല്ലിന്റെയും നാളികേരത്തിന്റെയും സംഭരണവിലു ഉയർത്തി. നെല്ലിന്റെ സംഭരണവില 28 രൂപയും നാളികേരത്തിന്റേത് 32 ആയുമാണ് ഉയർത്തിയത്.

അതേസമയം വരുന്ന സാമ്പത്തികവർഷം 8 ലക്ഷം തൊഴിലവസരങ്ങൾ സൃഷ്ടിക്കുമെന്ന് മന്ത്രി പറഞ്ഞു. എല്ലാ ക്ഷേമപെൻഷനുകളും 1600 രൂപയാക്കി ഉയർത്തി. ഏപ്രിൽ മുതലാണ് ഇത് പ്രാബല്യത്തിൽ വരിക.