അതേസമയം, ഭൂമി ഏറ്റെടുക്കുന്നതിന് എതിരെ രാഷ്‌ട്രീയ വ്യത്യാസമില്ലാതെ ജനങ്ങള്‍ സമരരംഗത്ത് ഉറച്ച് നില്‍ക്കുമ്പോഴാണ് പ്രബല രാഷ്‌ട്രീയപാര്‍ട്ടികള്‍ നിലപാട് വ്യക്തമാക്കിയിരിക്കുന്നത്. സ്ഥലം നഷ്‌ടപ്പെടുന്നവര്‍ക്ക് മാന്യമായ നഷ്‌ടപരിഹാരം നല്‍കണമെന്ന് സി പി എമ്മും ലീഗും ആവശ്യപ്പെടുന്നുണ്ട്.
പ്രാദേശിക ലീഗ് നേതാക്കളുടെ നേതൃത്വത്തില്‍ ഭൂമി നഷ്‌ടപ്പെടുന്നവര്‍ സമരമുഖത്ത് നില്‍ക്കുന്നതനിടെയാണ് പാര്‍ട്ടി സംസ്ഥാന കമ്മിറ്റി ഭൂമി ഏറ്റെടുക്കണമെന്ന ആവശ്യം ആദ്യമായി ഉന്നയിച്ചത്. പ്രാദേശിക നേതൃത്വവുമായുള്ള തര്‍ക്കങ്ങള്‍ക്ക് ഒടുവില്‍ സംസ്ഥാന നേതൃത്വം തീരുമാനത്തില്‍ ഉറച്ചു നില്‍ക്കുകയായിരുന്നു. നഷ്‌ടപരിഹാരം നല്കി സ്ഥലം അടിയന്തരമായി ഏറ്റെടുക്കണമെന്നായിരുന്നു ലീഗിന്റെ ആവശ്യം.
