അലക്കിക്കൊണ്ടിരുന്ന വീട്ടമ്മ മണ്ണില് താഴ്ന്ന് പത്ത് മീറ്റര് അകലെയുള്ള അയല്വാസിയുടെ കിണറിനകത്തെത്തി. കണ്ണൂരിലെ ആയിപ്പുഴയിലാണ് സംഭവം. ആയിപ്പുഴ ഗവ. യുപി സ്കൂളിനു സമീപത്തെ കെ.എ. അയ്യൂബിന്റെ ഭാര്യ ഉമൈബ (42)യാണ് അപകടത്തില് പെട്ടത്. തുണി അലക്കിക്കൊണ്ടിരിക്കെ മണ്ണ് താഴ്ന്ന് ഭൂമിക്കടിയിലെ തുരങ്കത്തിലൂടെ കിണറിനകത്തെത്തുകയായിരുന്നു. 25 കോല് ആഴമുള്ള കിണറിലാണ് വീട്ടമ്മ പൊങ്ങിയത്.
