എ​ൽ​ഡി​എ​ഫ് ഒ​റ്റ​ക്കെട്ട്, ആ​രു വി​ചാ​രി​ച്ചാ​ലും എ​ൽ​ഡി​എ​ഫി​ൽ വി​ള്ള​ലു​ണ്ടാ​ക്കാ​ൻ ക​ഴി​യില്ല; നി​ല​പാ​ട് മ​യ​പ്പെ​ടു​ത്തി കാ​നം

തോമസ് ചാണ്ടിയുടെ രാജിയുമായി ബന്ധപ്പെട്ട് ഉടലെടുത്ത സി​പി​ഐ-​സി​പി​എം ത​ർ​ക്ക​ത്തി​ൽ നി​ല​പാ​ട് മ​യ​പ്പെ​ടു​ത്തി സി​പി​ഐ സം​സ്ഥാ​ന സെ​ക്ര​ട്ട​റി കാ​നം രാ​ജേ​ന്ദ്ര​ൻ. എ​ൽ​ഡി​എ​ഫ് ഒ​റ്റ​ക്കെ​ട്ടാ​ണെ​ന്നും ആ​രുതന്നെ വി​ചാ​രി​ച്ചാ​ലും എ​ൽ​ഡി​എ​ഫി​ൽ ഒരുതരത്തിലുള്ള വി​ള്ള​ലുകളുമുണ്ടാക്കാന്‍ ക​ഴി​യി​ല്ലെ​ന്നും കാ​നം പ​റ​ഞ്ഞു. വി​ദേ​ശ​സ​ന്ദ​ർ​ശ​ന​ത്തി​നു​ശേ​ഷം തി​രി​ച്ചെ​ത്തി​യ കാ​നം, തി​രു​വ​ന​ന്ത​പു​രം വി​മാ​ന​ത്താ​വ​ള​ത്തി​ൽ മാ​ധ്യ​മ​ങ്ങ​ളോ​ടു സം​സാ​രി​ക്കു​ക​യാ​യി​രു​ന്നു. 

എല്‍ഡിഎഫ് യോഗത്തിലെടുത്ത തീരുമാനമാണ് അന്ന നടപ്പിലാക്കിയത്. കാബിനറ്റ് യോഗം സിപിഐ മന്ത്രിമാര്‍ ബഹിഷ്‌കരിക്കുകയല്ല, പങ്കെടുക്കാതിരിക്കുകയാണ് ചെയ്തതെന്നും കാനം പറഞ്ഞു. പാര്‍ട്ടി തീരുമാനപ്രകാരമാണ് മന്ത്രിമാര്‍ യോഗത്തില്‍ നിന്ന് വിട്ടുനിന്നത്. കെ.ഇ.ഇസ്മയില്‍ മറിച്ച് പറഞ്ഞത് എന്തുകൊണ്ടാണെന്നും അറിയില്ലെന്നും കാനം പറഞ്ഞു.

ഓ​രോ പാ​ർ​ട്ടി​ക്കും അവരുടേതായ അ​ഭി​പ്രാ​യ​ങ്ങ​ളു​ണ്ടായിരിക്കും. അ​ത് മു​ന്ന​ണി ബ​ന്ധ​ത്തി​ൽ വി​ള്ള​ൽ വീ​ഴ്ത്തി​യ​താ​യി കാ​ണേ​ണ്ട​തില്ലെന്നും കാ​നം പ​റ​ഞ്ഞു. സി​പി​ഐ മു​ന്ന​ണി മ​ര്യാ​ദ ലം​ഘി​ച്ചെ​ന്ന മു​ഖ്യ​മ​ന്ത്രി​യു​ടെയും കോടിയേരിയുടേയും കു​റ്റ​പ്പെ​ടു​ത്ത​ലി​നെ, എ​ന്താ​ണ് മു​ന്ന​ണി മ​ര്യാ​ദ​യെ​ന്ന കാ​ര്യ​ത്തി​ൽ ച​ർ​ച്ച നടത്തണമെന്ന വാ​ദം കൊ​ണ്ടാ​ണ് കാ​നം നേ​രി​ട്ട​ത്. അതേസമയം പ്രശ്‌നങ്ങള്‍ പരിഹരിക്കാനുള്ള ഒരുക്കത്തിലാണ് സിപിഐഎമ്മും സിപിഐയും. ഇതിന്റെ ഭാഗമായി ചര്‍ച്ചകള്‍ക്ക് ഇന്ന് തുടക്കമാകും.