വിജിലൻസ് തത്തയ്ക്കു ഞരമ്പു രോഗമാണെന്നു കെ മുരളീധരൻ എംഎൽഎ. അനാവശ്യമായി ആളുകളെ
ദ്രോഹിക്കുകയെന്നതാണ് ആ ഞരമ്പ് രോഗത്തിന്റെ പ്രധാന ലക്ഷണം. കെ ബാബു, കെ സി.ജോസഫ്, ഉമ്മൻ ചാണ്ടി എന്നിവരെയെല്ലാം ആ തത്ത ദ്രോഹിച്ചതിന് കണക്കില്ലെന്നും കണ്ണൂരിൽ യുഡിഎഫ് ജില്ലാ കമ്മിറ്റി നടത്തിയ ധർണ ഉദ്ഘാടനം ചെയ്യുവെ അദ്ദേഹം വ്യക്തമാക്കി.
യുഡിഎഫ് പൂർത്തിയാക്കിയ പദ്ധതികള്‍ ഉദ്ഘാടനം ചെയ്യുക എന്നത് മാത്രമാണ് ഇപ്പോൾ ഇടതു മന്ത്രിമാരുടെ ജോലി. മോദി – പിണറായി കൂടിക്കാഴ്ചയ്ക്കു ശേഷമാണ് ലോക്നാഥ് ബെഹ്റയെ ഡിജിപിയാക്കാൻ തീരുമാനിച്ചത്. കോൺഗ്രസിനോടു മാത്രമേ മോദിക്കു വിരോധമുള്ളു. ഒരാൾ കുർത്തയണിയുന്നു, മറ്റൊരാൾ മുണ്ടുടുക്കുന്നു. ഈനാംപേച്ചിക്കു മരപ്പട്ടി കൂട്ട് എന്ന അവസ്ഥയാണുള്ളതെന്നും മുരളി പരിഹസിച്ചു.
