ഫാക്ട് ഷോപ്പിംഗ് കോംപ്ലക്സിലെ വാടക മുറിയിലുള്ള ഐശ്വര്യ ജൂവലറിയിലാണ് ഒന്നര കോടിയോളം രൂപ വിലയുള്ള ആഭരണങ്ങള്‍ കവര്‍ച്ച ചെയ്യപ്പെട്ടത്. ജൂവലറിയോട് ചേര്‍ന്ന് വിജയകുമാര്‍ തന്നെ നടത്തുന്ന ഒരു സലൂണും പ്രവര്‍ത്തിക്കുന്നു. ഞായറാഴ്ച പാതിരാത്രിയോടെയാണ് പിറകുവശത്തെ സലൂണിന്റെ ഭിത്ത് തുരന്ന് മോഷ്ടാവ് അകത്തു കടന്നതെന്ന് പോലീസ് അറിയിച്ചു.
സ്ഥലവും ജൂവലറിയുമായി നല്ല പരിചയമുള്ളവര്‍ക്കേ ഫാക്ട് കോമ്പൗണ്ടില്‍ കയറി സലൂണിന്റെ ഭിത്തി കുത്തിത്തുറക്കാന്‍ കഴിയു എന്നാണു പോലീസ് നിഗമനം. ഫാക്ട് മെയിന്‍ ഗേറ്റില്‍ 24 മണിക്കൂറും പോലീസ് കാവലുമുണ്ട്. ഡി.സി.പി രമേശ് കുമാര്‍, എ.എസ് പി ലാല്‍ജി എന്നിവര്‍ ഉള്‍പ്പെട്ട പോലീസ് സംഘം സ്ഥലത്തെത്തി അന്വേഷണം ആരംഭിച്ചിട്ടുണ്ട്.
