സർക്കാരിനേയും വിദ്യാഭ്യാസമന്ത്രിയേയും പ്രതിപക്ഷ നേതാവ് അടിച്ചാക്ഷേപിക്കുന്നതിനിടയിലേക്കാണ് രവീന്ദ്രനാഥ് വേദിയിലേക്ക് കടന്നുവന്നത്. ഒരു നിമിഷത്തേക്ക് ചമ്മിയ അവസ്ഥയിലായി പ്രതിപക്ഷ നേതാവ്. വിദ്യാഭ്യാസ സമ്മേളനം ഉദ്ഘാടനം ചെയ്യേണ്ട മന്ത്രി പറഞ്ഞതിലും ഒരു മണിക്കൂർ നേരത്തെ എത്തിയതാണ് പ്രതിപക്ഷ നേതാവിനെ വെട്ടിലാക്കിയത്.
അതിനുശേഷം നടന്നതാണ് അധ്യാപകരടക്കമുള്ള കാണികളെ ചിരിപ്പിച്ചത്. അതുവരെ സർക്കാരിനേയും വിദ്യാഭ്യാസമന്ത്രിയേയും രൂക്ഷമായി വിമർശിച്ചിരുന്ന ചെന്നിത്തല പ്രസംഗത്തിന്റെ വഴി തന്നെ തിരിച്ചു വിട്ടു. ലോ കോളജ് വിഷത്തിലടക്കം മന്ത്രിയെ പ്രകീർത്തിക്കാനായിരുന്നു പിന്നീട് സമയം കണ്ടെത്തിയത്. ഇതോടെ രാഷ്ട്രീയം മറന്ന് പലരും ചിരിച്ച് തുടങ്ങി.
