കേസുമായി ബന്ധപ്പെട്ടിട്ടുള്ള സുരാജിന്റേത് അടക്കമുള്ള സംഭാഷണങ്ങള്‍ കഴിഞ്ഞ ദിവസങ്ങളില്‍ പുറത്തുവന്നിരുന്നു. കേസിൽ കാവ്യാ മാധവൻ അടക്കമുള്ളവരുടെ പങ്കിനെ പറ്റി സൂചിപ്പിക്കുന്നതായിരുന്നു പുറത്തുവന്ന ഓഡിയോ ക്ലിപ്പുകൾ. ഇത്തരം ഓഡിയോ ക്ലിപ്പുകള്‍ തന്നെ അപകീര്‍ത്തിപ്പെടുത്തുന്നതാണെന്നും മാധ്യമ വിചാരണയാണ് നടക്കുന്നതെന്നുമായിരുന്നു സുരാജിന്റെ വാദം. അന്വേഷണ ഉദ്യോഗസ്ഥര്‍ വിവരങ്ങള്‍ മാധ്യമങ്ങള്‍ക്ക് ചോര്‍ത്തിനൽകുന്നത് തടയണമെന്നും സുരാജ് ആവശ്യപ്പെട്ടിരുന്നു.
