നടിയെ ആക്രമിച്ച കേസിലെ അന്വേഷണ ഉദ്യോഗസ്ഥരെ വകവരുത്താന് ഗൂഢാലോചന നടത്തിയെന്ന കേസ് റദ്ദാക്കണമെന്നാവശ്യപ്പെട്ട ദിലീപിന്റെ ഹര്ജി ഹൈക്കോടതി തള്ളി. കേസില് അന്വേഷണം തുടരാമെന്ന് ഹൈക്കോടതി വ്യക്തമാക്കി. വധ ഗൂഢാലോചനക്കേസ് റദ്ദാക്കിയില്ലെങ്കില് കേസ് സിബിഐക്ക് നല്കണമെന്ന് ഹര്ജിയില് ദിലീപ് ആവശ്യപ്പെട്ടിരുന്നു. എന്നാല് ഈ ആവശ്യവും കോടതി അംഗീകരിച്ചില്ല.
