സംസ്ഥാന നിയമസഭയിലെ യുവ എം എല്‍ എമാരായ ഹൈബി ഈഡന്‍, പി സി വിഷ്‌ണു നാഥ്, മോന്‍സ് ജോസഫ് എന്നിവര്‍ ടീം സോളാറില്‍ നിന്ന് കമ്മീഷന് കൈപ്പറ്റിയിട്ടുണ്ടെന്ന് സോളാര്‍ കേസ് പ്രതി ബിജു രാധാകൃഷ്‌ണന്‍. കേസ് അന്വേഷിക്കുന്ന കമ്മീഷന് മുമ്പാകെ നല്കിയ മൊഴിയിലാണ് ബിജു ഈ വെളിപ്പെടുത്തല്‍ നടത്തിയത്.
കമ്പനി നടത്താൻ വേണ്ടി ആര്യാടൻ മുഹമ്മദ്, കെ സി വേണുഗോപാൽ, കെ ബി ഗണേഷ്കുമാർ എന്നിവർക്ക് ലക്ഷങ്ങൾ കൈമാറിയിട്ടുണ്ടെന്ന് ഇന്നലെ ബിജു മൊഴി നൽകിയിരുന്നു. ഇതിന് പിന്നാലെയാണ് ബിജു രാധാകൃഷ്‌ണന്റെ പുതിയ വെളിപ്പെടുത്തൽ.
