പ്രിന്‍സിപ്പാളിനെ വിദ്യാര്‍ത്ഥി ഭീഷണിപ്പെടുത്തിയ സംഭവത്തില്‍ വീഡിയോ പ്രചരിച്ചതില്‍ അന്വേഷണം ആവശ്യപ്പെട്ട് വിദ്യാഭ്യാസ മന്ത്രി വി ശിവന്‍കുട്ടി. സാമൂഹ മാധ്യമങ്ങളില്‍ വീഡിയോ പ്രചരിച്ചതില്‍ അന്വേഷിച്ചു റിപ്പോര്‍ട്ട് നല്‍കാന്‍ പൊതു വിദ്യാഭ്യാസ ഡയറക്ടര്‍ക്കാണ് മന്ത്രി നിര്‍ദേശം നല്‍കിയത്. വീഡിയോ പ്രചരിച്ചതില്‍ അധ്യാപകര്‍ക്കെതിരെ നിരവധി പേരാണ് വിമര്‍ശനവുമായി എത്തിയത്. 18 വയസ്സില്‍ താഴെ മാത്രം പ്രായമുള്ള കുട്ടിയുടെ വീഡിയോ പ്രചരിച്ചതിലാണ് വിമര്‍ശനം.
