കള്ളക്കേസു നല്‍കിയ ഭാര്യ, ഭര്‍ത്താവിനു ജീവനാംശം നല്‍കാന്‍ കുടുംബ കോടതി വിധിച്ചു. കള്ളക്കേസില്‍ കുടുക്കി വിവാഹ മോചനത്തിനു ശ്രമിച്ച മംഗളൂരിലെ സ്വകാര്യ കോളേജ് അദ്ധ്യാപിക വി.എം. നിവ്യക്കെതിരെയാണു കോടതി ഭര്‍ത്താവായ എന്‍.കെ.ശിവപ്രസാദിനു ചെലവിനു പ്രതിമാസം 6000 രൂപ നല്‍കണമെന്നു കുടുംബ കോടതി ജഡ്ജി പി.ഡി.ധര്‍മ്മരാജ് വിധിച്ചത്.
2011 ജനുവരിയിലാണു ക്ഷേത്രത്തില്‍ വച്ച് ഇരുവരും വിവാഹിതരായത്. തുടര്‍ന്ന് ജനുവരി 31 നു തന്നെ എന്‍മകജെ പഞ്ചായത്തില്‍ വിവാഹം രജിസ്റ്റര്‍ ചെയ്യുകയും ചെയ്തിരുന്നു. പിന്നീട് ഭര്‍ത്താവ് തന്നെ ബലാല്‍സംഗം ചെയ്തുവെന്ന് കള്ളപ്പരാതി നല്‍കിയതിനെ തുടര്‍ന്ന് തന്‍റെ ജോലി നഷ്ടപ്പെടുകയും ചെയ്തു എന്നുമായിരുന്നു ശിവപ്രസാദിന്‍റെ പരാതി.
