രാഷ്ട്രീയ നിലപാടിന്റെ ആശയ അടിത്തറകളെപ്പറ്റി ബോധ്യമില്ലാത്തവരാണ് ഒരു പരാജയത്തിന്റെ പേരില്‍ മുന്നണി മാറ്റത്തെ കുറിച്ച് ചിന്തിക്കുന്നതും ക്ഷണിക്കുന്നതും. കോണ്‍ഗ്രസിലെ പ്രധാനപ്പെട്ട രണ്ടു പ്രവര്‍ത്തകസമിതി അംഗങ്ങള്‍ ബിജെപിയിലേക്കു പോകാന്‍ നില്‍ക്കുന്ന അവസ്ഥ കാണാതെ പോകരുത്. ഗാന്ധിജിയുടെ പാര്‍ട്ടിയെന്ന് പറയുന്ന കോണ്‍ഗ്രസ് വിട്ട് ഗോഡ്‌സെയുടെ പാര്‍ട്ടിയിലേക്കു പോകാന്‍ നില്‍ക്കുന്ന കോണ്‍ഗ്രസുകാരെ അതില്‍ നിന്ന് ഒഴിവാക്കാന്‍ സിപിഐയെ ക്ഷണിച്ചയാള്‍ ശ്രമിക്കണമെന്നും ബിനോയ് വിശ്വം പറഞ്ഞു. മനോരമ ഓണ്‍ലൈനിനോടാണ് സിപിഐ സെക്രട്ടറിയുടെ പ്രതികരണം.
