സര്‍ക്കാര്‍ പരിപാടികളില്‍ ആര്‍എസ്എസിന്റെ കാവിപതാകയേന്തിയ ഭാരതാംബചിത്രം ഉള്‍പ്പെടുത്തിയതില്‍ ഗവര്‍ണറെ എതിര്‍പ്പ് അറിയിക്കാന്‍ മുഖ്യമന്ത്രി. ഇന്ന് ചേര്‍ന്ന മന്ത്രിസഭ യോഗത്തിലാണ് തീരുമാനം എടുത്തത. സര്‍ക്കാര്‍ പരിപാടികളില്‍ ഔദ്യോഗിക ചിഹ്നങ്ങള്‍ മാത്രമേ ഉപയോഗിക്കാവൂ എന്ന് മുഖ്യമന്ത്രി പിണറായി വിജയന്‍ ഗവര്‍ണറെ അറിയിക്കും.
നിയമവകുപ്പിന്റെ പരിശോധനയ്ക്ക് ശേഷമാണ് സര്‍ക്കാര്‍ തീരുമാനമെടുത്തത്. രാജ്ഭവന് പുറത്തെ വേദികളിലും കാവിക്കൊടിയേന്തിയ ഭാരതാംബയുടെ ചിത്രങ്ങള്‍ സ്ഥാപിക്കപ്പെട്ടിട്ടുണ്ട്. ശ്രീപത്മനാഭ സേവാസമിതി കേരള സര്‍വകലാശാലയുടെ സെനറ്റ് ഹാളില്‍ സംഘടിപ്പിക്കുന്ന പരിപാടിയിലാണ് ചിത്രം സ്ഥാപിച്ചത്. ഈ ചടങ്ങില്‍ ഗവര്‍ണര്‍ പങ്കെടുക്കുന്നുണ്ട്. ആര്‍എസ്എസ് അനുകൂല സംഘടനയാണ് ശ്രീപത്മനാഭ സേവാസമിതി.
